قصة شب من الاردن

قصة شب من الاردن رح يخطب بنت .. !!

سألو ابو البنت انت شو بتشتغل ؟
قلو بشتغل مهندس بترول .

قلو ابو البنت برافو عليك وين ؟

قالو الشب في الاردن !
رد عليه بعصبيه .. ليش في بترول بالأردن ؟

.
.

قلو الشب : انت اللي بلشت تتخوث هو يعني بالأردن في شغل!!

تصنيف المواد عند الطالب الأردني مادتين:
مادة صعبة ما بيقدر يدرسها!
مادة سهلة ما بيحتاج يدرسها!
...
2) فقط عند الأردنيين
الإشارة الصفراء لاتعني "خفف السرعة " بل تعني " يا تلحق او ماتلحق"

3) فقط في الأردن:
نومة العصر أطول من نومة الليـل!
وبيسموها قيلوله..!!! .. هاي غيبوبه يامعلم!!

4) الشاب الأردني متمدد عالكنباية ووجهه في السقف وبشرب شاي وحاط رجل على رجل وإذا قلت له سُلافة، بقولك والله إنك فاضي
أووكي آسفين كمل شغلك!!

5) شيء طبيعي تماما وإنت تقول لأمك سُلافة ومتحمس وواقف من الحماس ....... وبنص السالفه ..! تسمعها تقول ﻷخوك الصغير : روح جيب خُبز وبصل

6) الحمام مكان للخطط الفكرية والتخطيط العسكري و مخبأ للهروب من الضرب ومركز تسجيلات للأغاني واستيديو ارب جوت تالنت للمواهب

7) فقط في الأردن إذا نمت خلاص كأنك ميت ما بطلبولك من المطعم ولا بخلولك عشا لااا وكمان بطلعوا و بخلوك بالبيت لحالك!

الرائحة التي يعشقها كل أردني
- ريحة البنزين
- ريحة المطر
- ريحة السياره من الوكالة
- ريحه المعسل
- ريحة الحطب
- ريحة المكيف اول ما يشتغل

ويحكولك فـينا ربو!!!! والله من اللي بتشموه!!

9) الأُم الاردنية التقليدية لما بدها شي وهي بتصلي بتقول (الله أكبر) بصوت عالي وأنت عليك عملية الاستكشاف المطلوبة

10) العائلة الاردنية التقليدية
تسألهم بدكم شي من المطعم؟ بحكولك : ﻷ ...!!!
وبس يوصل الطلب وتبدا تسمي وتاكل يبدأ الزحف الصهيوني باتجاهك

11) العائلة الأردنية التقليدية
بطنك بس يوجعك علاجك ( سفن اب )
حتى بنفع للأسهال والامساك والصداع والخلفة وكل شيء...!!!

12) العائلة الأردنية التقليدية
ايام الامتحانات لو البيت كله فاضي الولد ما بدرس الا في الصالون...!!! مش عارف هو الوحي بنزل هناك ولا شو الموضوع