الاثنين، سبتمبر 26، 2011

صعيدى رشح نفسه فى الانتخابات كتب تحت صورته
و عسى ان تكرهوا شئ و هو خير لكم
=======================
صعيدى رجع من الشغل لقى مراته مطبختش فزعل و دخل نام
فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع 
=======================
تاجر مخدرات راح يخطب واحدة
فأبوها بيسأله انت بتشتغل ايه؟
قال له فنى تكييف
=======================
واحد بيقول لصاحبه الرجاله هيعطوهم ستات قشطة فى الجنة
قال له و الستات بتوعنا هيروحوا فين؟
قال له هيعذبوا بهم الكفار
=======================
واحد راح لشيخ و قال له هو ينفع اصلى جماعة ورا الامام فى  التليفزيون؟
قال له ما تحط ملايه سودا على التلاجة و تحج بالمرة !
=======================
واحد مصرى اتجوز واحدة صينية باسها بوستين و باظت
=======================
صعيدى دعى ربنا 15 سنة يرزقه بولد
نزل ملك من السما قال له ابوس ايد امك اتجوز 
=======================
واحد بيقول لحبيبته يمكن مكونش غنى و لا عندى   فلوس ولا فيلا و لا عربية
زى محسن صاحبى بس بحبك فحضنته و دمعت و قالت له لو بتحبنى بجد
عرفنى على محسن
=======================
محشش عنده 85 سنة راح مكتب تأمين على الحياة الموظف قال له انت سنك كبير مينفعش تأمن على حياتك قال له ليه ده ابويا كان هنا امبارح و عمل تأمين تعجب الموظف و قال له تعالى بكرة نشوف لك  حل
 قال له بكرة مشغول عندى فرح جدى, سأله الموظف انت جدك عايش وعايز يتجوز؟؟
قال له الصراحة مكنش عايز بس ابوه و امه ضاغطين عليه
=======================
صعيدى فى الجيش بيقول لعسكرى زميله فى الحرب: انت من دشنا؟؟
قال له لأ
راح ضربه بالنار و قال له تبقى من ديش العدو
=======================
ندل انقذ شخص كان بيتحرق
كرموه و سألوه ايه سبب شجاعتك؟
قال لهم انقذته لسببين
الاول: علشان ميموتش شهيد
الثانى: علشان يعيش بقية حياته مشوه
=======================
صعيدى شغال سواق تاكسى فى الصين
كل ما حد يشاورله يقول له : ابو شكلك انا لسة موصلك
=======================
واحد بيقول لصاحبه بتحب ابوك ولا اللحمة؟؟
قال له انت عبيط دى الشوربة بس برقبته
=======================
صعيدى طلب يتعين فى مجلس الشعب
قالوا له انت اهبل !
قال لهم يعنى لازم الشرط ده؟؟
=======================
بخيل جاله ضيوف قال لمراته بفكر ادبح البغبغان و نعمل شوربة و فته و نشوى الضلوع ع الفحم و الجناح نعمله هواية و نعمل لحمة راس من المخ و نقلى الكبد و القوانص
رد البغبغان : ما تحلبنى بالمرة عشان تعمل رز بلبن يا روح امك
=======================
صينى عايز يشترى 10 علب كوكاكولا
دخل محل بقالة صعيدى قال له : ين شين شانج كوكاكولا
الصعيدى قال له بتقول 10 علب ايه؟
=======================
صعيدى بيقول للتانى: بيجولوا البابا شنوده وجع فى البانيو رجله اتكسرت
التانى قال له : ايه البانيو ده؟؟
قال له : و انا ايش عرفنى هوا انا مسيحى؟
=======================
سألوا صعيدى ايه اخبار الصيام؟
رد و قال و الله لولا الوضوء كنا متنا من العطش
=======================
صعيدى عايز يشنق نفسه من رجليه سألوه ليه؟
قال جربت من رقبتى كنت هموت
=======================
واحد واقف ادام الكعبة بيدعى يارب سامحنى على كل كلمة قلتها على الصعايدة
فواحد صعيدى وراه قال له هى القبلة ازاى؟
قال له شفت يارب هما اللى بينكشونى
=======================
بخيل مات طلع له بيتين فى الجنة
باع واحد و أجر واحد و سكن مع اخوه فى جهنم
=======================
محشش قالوا له التدخين يؤدى الى الموت البطئ
قال لهم انا اساسا مش مستعجل
=======================
محشش بيقول لصيدلى عندك شريط للبرد؟
قاله اه
قاله شغله خلينا نسمع
=======================
مجانين شغل لهم الدكتور اغنية
قاموا كلهم يرقصوا الا واحد
الدكتور فرح و سأله انت ليه مش بترقص معاهم؟
قال له اصل انا العروسة
=======================
حرامى بيقول لامه الدنيا معدش فيها اخلاص
بسرق محفظة ابويا لقيت محفظتى معاه
=======================
افريقى و ابنه من اكلة لحوم البشر خرجوا يشوفوا شغلهم فاصطادوا هيفاء وهبى
الولد قال لابوه نوديها البيت و ناكلها
قال له لا نوديها البيت و ناكل امك
=======================
واحد بينسى جدا راح للدكتور قال له لو عايز تخف روح الحج يمكن ربنا يشفيك
راح الراجل حج, و هوا راجع قعد يفكر نفسه بالمناسك
طواف و طوفنا, سعى و سعينا, و على عرفه وقفنا
ناسى ايه يا بطرس
ناسى ايه يا بطرس !!
=======================
واحد سأل شيخ لو شفت اسد و انا بصلى اكمل الصلاة؟
قال له لو لسة على وضوءك كمل
=======================
صعيدى قاعد على الشط شاف واحد بيغرق
كل ما يرفع ايده
يقول له و عليكم السلام و رحمة الله
=======================
صرصار بيجرى ورا عربية المجارى سألوه ليه؟
قال لهم ابن الكلب شفط المدام
=======================
واحدة بتقول لشيخ انا بصلى و محجبة و بقرأ قرءان
قال لها ده مفتاح الجنة
واحدة تانية بتقوله انا بحب البس شورتات و مايوهات
قال لها و ده مفتاح الشقة
=======================
واحد فاز بمليون جنيه راح يقول لمراته فماتت من الفرحة قال سبحان الله الخير لما بييجى بييجى كله مرة واحدة
=======================
واحد و مراته متخانقين و هما مسافرين بالعربية شافوا عزبة بقر قال لها يقربولك دول؟
قالت له اه دول اهل جوزى
=======================
واحدة وحشة اوى داخلة الحمام فبتقول " اعوذ بالله من الخبث و الخبائث"
فالشيطان قال لها من غير ما تقولى انا كدة كدة طالع
=======================
واحد مصرى قاعد يصلى سمع اتنين بيشكروا اوى فى صلاته و ايمانه
قطع صلاته و قال لهم لا و صايم كمان
=======================
بلادينا بيقول لبلادينا" انا تعبان من الروماتيزم"
رد عليه و قال له " وانا جرجاوى من فرشوط "

ليست هناك تعليقات:

إرسال تعليق

والله خفت و قلت الجماعة هدول ما عندهم مزح ....

رائد طالب في مدرسة حكومية .  كان كسلان و فاشل .  أهلو نقلوه لمدرسة خاصة . وما عرفوا ان المدرسة هاي مسيحية. بعد شهر جاب رائد ممتاز بكل الم...